Maruja Sunday Specials #2

Mga Gintong Aral ni Maruja

Noong mga nakaraang linggo iba’t ibang mga kaganapan sa buhay ketch ang nagpamulat kay watashi sa mga ginintuang aral na feeling key dapat ring matutunan ng mga kapwa dingga.

Ready na ba kayo, mga kids?

“Yes, Teacher Maruja.”

O siya, let’s start!

You need a domain for domainance – As Gwapito had suggested to me these past days, and with all the popularity (kuno) I have been generating, I have to have my own web domain. Kaya naman sa mga nakalipas na oras ay megabuntinting ako sa aking keyboard at naghanap ng mga options ketch. May problem lang ketch: Ano’ng domain name ang gagamitin?

Siguro naman na hindi kaila sa inyo na mayroon akong kambal-tuko. Argument ever ang kanyang fan club na porke ang blogging ay wiz daw “Totoy Siga” na maghahamon ng away sa sinumang may kaparehong nemsung ditechi. Puwes, gumawa kaya akey ng blog na kapangalan nila at tignan natin kung hindi sila manggalaiti. Che!

Kidding aside, I registered “maruja.wordpress.com” to settle the score, pero wiz pa dito nagtatapos ang lahat. Kailangan ko ng sarili kong dot-com, at kailangan ko ang tulong ng aking mga dear readers.

May dalawa akong options na pinagpipilian: maruja.com.ph o empressmaruja.com. Hindi alam ng iba diyan na importante sa akin ang pangalang Maruja. Hindi ko ito pinulot lang sa isang kanto at sinabi sa sariling “Magmula ngayon, Maruja ang itatawag nila sa akin.” Ito ay isang alyas na bininyag sa akin noong kolehiyo, basbas ni Ate Toink na isa sa seniors ng aming theater org. Naging kilala ako sa pamantasan bilang Maruja sa punto akala ng ibang estudyante ay iyon talaga ang aking nemsung.

Ginamit ko rin ang Maruja bilang aking pen name: Maruja Paloma. Heto ang aking alyas tuwing nagsusulat ako ng aking one-act plays.

Ngunit sa kabilang banda, naging kilala na ako sa blogosphere sa pangalang “Empress Maruja.” Hinahangaan man, kinasusuklaman o pinaglalawayan, ang akin blog ang naging isa sa pinakabinabasa mula sa mga Tagalog na WordPress blogs. (Pinasasalamatan ko ang aking mga dear readers sa inyong suporta.)

Matagal ko na rin gustong i-register ang “empressmaruja.com” kaya lang sa dami ng aking pinagkakaabalahan ay hindi ko na ito nabigyan ng importansya. Pero ngayon, feeling ko kailangan ko na ngang mag-step out and declare my domain for dominance.

So, ano ang mas nararapat? Maruja.com.ph o Empressmaruja.com?

Ang wonderful health benefits ng hada – Hindi ako makapaniwala sa umpisa ngunit totoo, sadyang totoo. Ang ating all-time peborit activity na panghahada ay nakakabuti pala sa kalusugan. Kaya pala tuwing humahada ketch ay feeling ko ay energized aketch.

Unang una ay nakakapagpagaling ito ng sari-saring sakit gaya ng diabetis, sakit sa puso, at singaw. Lalung-lalo na ang singaw. (I cannot vouch on the first two diseases, though.)

Pangalawa’y sagana ang kyumod sa mga bitamina at mineral gaya ng vitamin C at zinc. Ito ay isa ring source ng protina’t amino acids na siyang nagpapalakas ng ating katawan.

So ano pa ang hinihintay niyo, mga bakla? Pasko? Eleksyon? Magpalakas na tayo ng katawan at magpa-refresh sa piling ng kalalakihan!

**********

Empress Maruja, pasok sa Top 100

Isang espesyal na balita. Nakapasok muli ang Maruja sa Top 100 WordPress Blog Posts.

Ayon sa daily charts ng WordPress, nasa number 33 ang latest na entry ni Maruja na pinamagatang “More Manhunt International 2007 Candidates in Swimsuit and National Costume.”

Dahil dito’y nakapasok muli ang Empress Maruja sa Top 100 Growing WordPress blogs kahapon bilang ika-74.

“Malaki po ang aking pasasalamat sa aking mga readers,” sey ni Maruja nang malaman ang balita. “Lalong-lalo na po sa mga nagli-link sa akin. Thank you rin kay Migs ng Manila Gay Guy sa kanyang special mention. Grabe, talagang nakakataba ang aking heart.”

Inaasahan ni Maruja na hindi pangmatagalan ang achievement na ito.

“Siyempre I still have to work harder,” sagot ng nag-iisang Maruja. “Kaya naman message ko sa aking mga mambabasa’y asahan ninyo ang mga mas pinabonggang production numbers at mas titillating na mga kalalakihan.”

**********

Shoklaku Daw?

Wai key Multiply. Paano naman feeling ketch masyado nang haggardness na meron Friendster, Myspace, at DList ang watashi.

Pero may nakapagtip kay Empress, pinag-uusapan daw ketch sa Multiply. Aba! Why kaya? Warla na naman ba itey?

Sinilip ko ang blog at napag-alaman ko na hindi naman pala masama ang report:

“OH my gulay. It’s the funniest blog. EVER. Winnie Cordero sa patawang naidudulot nitech ever.”

Ay! Na-humble bigla ang lola niyo.

Kaya naman hinanap ko ang identity ni girlette, at abaabaabaaba! Bungga as in bunggaloo naman pala ng bilat!

Make-up artist ang drama nitechi! Hayz, nagbalik na naman ang memories like the sun on a pavement (mali yata ‘yun) back in the day na bahagi ako ng modeling industry…(bilang agent gaga! Hindi pa willing ang industry tanggapin ang mga voluptuous gaya key!)

Here’s an “I’m so malinis and mayaman” creation on Chona Ronquillo.

Heto ang sey ni tita sa aking mga kabalahuraan sa baklaan:

“Part of the enjoyment I derived was from translating it. Parang sudoku (shoklaku). Haha.”

Gano’n?! Puzzle?! Chekka!

O siya! Gagawa pa ako ng bagong account sa Multiply para koronahan siya ng masigabong “thank you.” Baboo!